Ministri i Punëve të Brendshme, Agim Veliu ka thënë se është i prekur thellë nga sulmet terroriste që kanë ndodhur sot në Francë.

Veliu ka pohuar se sulmet e tilla, kudo që ndodhin në botë, tronditin ndërgjegjen njerëzore dhe si të tilla nuk njohin fe, as racë.

“Jam i prekur thellë nga sulmet terroriste që ndodhën sot në Francë. Sulmet e tilla, kudo që ndodhin në botë, tronditin ndërgjegjen njerëzore dhe si të tilla nuk njohin fe, as racë. Në këto momente të rënda për popullin francez bashkëndjejmë me familjet e viktimave të pafajshme. Sot dhe gjithmonë, bota e lirë është me popullin francez”, ka shkruar Veliu në Facebook.

Ndryshe, tashmë autoritetet franceze kanë zbuluar identitetin e personit që kreu sulmin në Nice të Francës, ku la të vdekur tre persona.

Bëhet fjalë për emigrantin 21-vjeçar nga Tunizia, Brahim Aoussaoui, i cili vrau tre persona sot në katedralen Notre Dame, ku madje njërës prej viktimave ia ka prerë kokën./arbresh.info/